الرئيسية
[ندعوك للتسجيل في المنتدى أو التعريف بنفسك لمعاينة هذه الصورة] إقرار : من المواطن المطحون
سيدي الرئيس : مقدمه لسيادتكم المواطن السابق ذكره في العنوان.. المطحون أعلاه المهروس أدناه ..
تحيه طيبه وبعد .
بدون سبب نعلمه سيدي تحولت الحالة في هذا المكان الذي نحيا فيه جميعا من حاله سيئة إلي حاله مسيئة ..
أصبحنا لا نجد اقل القليل . قطره الماء التي هي الحياة نفسها .. لم نعد نجدها ..
إذا حكيت لسيادتكم عن المعاناة اليومية التي نعيشها فلن تصدق .. زمااااان كنا نشكو من زحام المواصلات وسوء حال التليفونات ومواسير المجاري التي تنفجر كل شويه لتغرقنا بما نكره .ومازالت حتى اليوم تنفجر وتغرقنا بما نكره يعني ..
كنا نشكو من عدم وجود شقق للشباب ليتزوجوا فيها .
كنا نشكو من إن المرتب لا يكفي العيش الحاف للأولاد .قالوا لنا إنكم تنجبون عددا كبيرا من العيال وعشان كده الفلوس لا تكفيكم . والمواصلات لا تكفيكم وبتتكلموا كتير في التليفونات وعشان كده الفاتورة بتيجي كبيرة كل سنه أو كل ستة شهور وكمان الخطوط بتقطع لأنكم بتستهلكوها.
والآن .. وبعد أكثر من خمسه وعشرين سنه من حكمكم المبارك وإنجازاتكم الرائعة وازهي عصور الديموقراطية التي نحياها معكم . مازالت فاتورة التليفونات مولعة رغم إنكم قلتم إنها لما تيجي كل تلات شهور تبقي كده بتتقسط علي السنة كلها يعني حا تقل .
المواصلات ما زالت زحمه مووووت مع أنكم عملتوا لنا مترو الأنفاق الذي هو بحق اكبر إنجاز في عصركم . ومع كده المترو برضك زحمه موووت يعني فوق زحمه وتحت زحمه طيب وكمان بطلنا نخلف كتير دا إحنا حتى لو لقينا فلوس نتجوز بعد ما نلاقي شقه مطرحين وصاله يا دوب بنجيب عيل ولا أتنين لان لم يعد فينا حيل أصلا للزواج .
وده طبعا مش بسببكم ولا أي حاجه لا سمح الله .
ده راجع لان الزرع اللي في بلادنا بنسمده بالسماد البلدي اللي هو يع يع خالص عبارة عن البيبي بتاع الناس المريضة بتاعت بلادنا .ولا هو أنا قديم كده وماعدش الناس بتسمد بالسماد البلدي ده . وبقت بتحط ع الزرع حاجات تانيه مش عارفين عنها حاجه بس هي أكيد مضره برضك .
وكمان دلوقتي يا سيادة الريس إحنا لم نعد نجد الماء للشرب أه والله العظيم . تصدق سعاتك إن كمان مياه الشرب مش لاقينها طيب الإنسان ممكن يستغني عن الأكل وكأنه صايم يعني مش مشكله خالص ما إحنا استغنينا عن حاجات كتيره خالص منها مثلا اللحمة .. اصل الكيلو بقي بربع المرتب يعني أجيب كيلو لحمه يتاكل في تلات أربع أيام وألوص أنا والعيال باقي الشهر . هو صحيح إحنا لايصين طبيعي طول الشهر حتى من غير لحمه لكن اهو برضك .
وكمان كانت الفراخ بتفرج علينا شويه اهو يعني نجيب فرخه كل موسم ولا حاجه بنص تمن كيلو اللحمة أو ساعات بنقضيها بكيلو إلا ربع رجلين فراخ .. واهي حاجه تزفر الحلل برضك .. واهو اسمنا بناكل زفر.. هو صحيح الفراخ البيضا لم يكن لها طعم يذكر لكن إحنا كنا راضيين بيها .. وساعات كمان كنا بنشتري كيلو الهياكل بتاعت الفراخ البانية اللي بنسمع إن الناس بتشتريها عشان تقزقزها كده لما بتزهق من الفراخ اللي بحالها . لكن انتو قلتوا لنا إن الفراخ فيها الفونزه يعني بلاش تاكلوها يا ولاد قلنا حاضر وبطلنا ناكل أي زفر سعاتك خالص من ساعتها .. لكن كل ده كوم وقطع الميه عننا كوم تاني . يعني لا مؤاخذه لما بنحب نعمل زى الناس بنتعب أوي ده غير إن الدنيا حر أوي سعاتك والواحد برضك يحب انه ينزه نفسه ساعات وياخد دوش كل شويه طيب نجيب ميه منين لده كله . وإحنا مش حمل الميه بتاعت الجراكن ده الجيركن الواحد باتنين جنيه ولازم نشتريه من الأول بعشره جنيه طيب العيال في الحر ده يكفيها كام جيركن في الأسبوع مش اقل من تلاته سعاتك يعني عايز ميزانيه تانيه وده بس عشان يشربوا مش عشان يعملوا زى الناس لا مؤاخذه .
سيدي الرئيس : أنا مش حاشتكي من التعليم ولا الدروس الخصوصية ولا الثانوية العامية اللي بقت سنتين هرس في العيال وأهل العيال .. ولا الأمراض اللي بناكلها مع الأكل ونشربها مع الشرب ونتنفسها مع النفس . ولا حاتكلم عن العيشة الضنك اللي إحنا عايشينها عشان إحنا خلاص خدنا عليها وعندنا أمل إننا نعيش في الآخرة اللي لم نعيشه في الدنيا.. لكن حاكلم سعاتك عن الميه .. بس الميه . والنبي يا سيادة الريس . إلا الميه .. مانتوا قاطعين عننا كل حاجه حلوه بلاش بقي تقطعوا الميه كمان أحسن الناس مش حاتقدر تعيش كده اكتر من كده.. سعاتك عارف إن الإنسان حيوان مائي يعني ما يقدرش يعيش من غير ميه فتره طويلة .. يعني م الأخر سعاتك إحنا ممكن نعفن وبالتالي البلد نفسها تعفن مننا وساعتها السياح اللي إحنا عايشين بفلوسهم وتحت أمرهم ..حايقرفوا ييجوا عندنا.. حاييجوا يعملوا إيه ؟ يشوفوا ناس معفنه وريحتها طالعه للجو .
سيدي الرئيس : أنا بحبك والله ده سعاتك عشره عمر يعني .. ومراتي كمان بتحبك زى أخوها طبعا .. والواد ابني الصغير بيزأطط لما يشوف سعاتك في النشرة ويقول بابا اهه بابا اهه . وأنا باقر واعترف باني بحبك وهذا إقرار مني بذلك ومننا كلنا ..
عشان كده أرجوك تؤمر الناس بتوعك اللي ماسكين الميه في البلد إنهم يرجعوا لنا الميه بس وإحنا حانستحمل كل البلاوي التانيه برضك علي أمل إننا نعيش في الآخرة اللي لم نعيشه في الدنيا .
وكل أخره وأنت طيب .
وتفضلوا بقبول فائق الاحترام
المواطن : مطحون المهروس
سيدي الرئيس : مقدمه لسيادتكم المواطن السابق ذكره في العنوان.. المطحون أعلاه المهروس أدناه ..
تحيه طيبه وبعد .
بدون سبب نعلمه سيدي تحولت الحالة في هذا المكان الذي نحيا فيه جميعا من حاله سيئة إلي حاله مسيئة ..
أصبحنا لا نجد اقل القليل . قطره الماء التي هي الحياة نفسها .. لم نعد نجدها ..
إذا حكيت لسيادتكم عن المعاناة اليومية التي نعيشها فلن تصدق .. زمااااان كنا نشكو من زحام المواصلات وسوء حال التليفونات ومواسير المجاري التي تنفجر كل شويه لتغرقنا بما نكره .ومازالت حتى اليوم تنفجر وتغرقنا بما نكره يعني ..
كنا نشكو من عدم وجود شقق للشباب ليتزوجوا فيها .
كنا نشكو من إن المرتب لا يكفي العيش الحاف للأولاد .قالوا لنا إنكم تنجبون عددا كبيرا من العيال وعشان كده الفلوس لا تكفيكم . والمواصلات لا تكفيكم وبتتكلموا كتير في التليفونات وعشان كده الفاتورة بتيجي كبيرة كل سنه أو كل ستة شهور وكمان الخطوط بتقطع لأنكم بتستهلكوها.
والآن .. وبعد أكثر من خمسه وعشرين سنه من حكمكم المبارك وإنجازاتكم الرائعة وازهي عصور الديموقراطية التي نحياها معكم . مازالت فاتورة التليفونات مولعة رغم إنكم قلتم إنها لما تيجي كل تلات شهور تبقي كده بتتقسط علي السنة كلها يعني حا تقل .
المواصلات ما زالت زحمه مووووت مع أنكم عملتوا لنا مترو الأنفاق الذي هو بحق اكبر إنجاز في عصركم . ومع كده المترو برضك زحمه موووت يعني فوق زحمه وتحت زحمه طيب وكمان بطلنا نخلف كتير دا إحنا حتى لو لقينا فلوس نتجوز بعد ما نلاقي شقه مطرحين وصاله يا دوب بنجيب عيل ولا أتنين لان لم يعد فينا حيل أصلا للزواج .
وده طبعا مش بسببكم ولا أي حاجه لا سمح الله .
ده راجع لان الزرع اللي في بلادنا بنسمده بالسماد البلدي اللي هو يع يع خالص عبارة عن البيبي بتاع الناس المريضة بتاعت بلادنا .ولا هو أنا قديم كده وماعدش الناس بتسمد بالسماد البلدي ده . وبقت بتحط ع الزرع حاجات تانيه مش عارفين عنها حاجه بس هي أكيد مضره برضك .
وكمان دلوقتي يا سيادة الريس إحنا لم نعد نجد الماء للشرب أه والله العظيم . تصدق سعاتك إن كمان مياه الشرب مش لاقينها طيب الإنسان ممكن يستغني عن الأكل وكأنه صايم يعني مش مشكله خالص ما إحنا استغنينا عن حاجات كتيره خالص منها مثلا اللحمة .. اصل الكيلو بقي بربع المرتب يعني أجيب كيلو لحمه يتاكل في تلات أربع أيام وألوص أنا والعيال باقي الشهر . هو صحيح إحنا لايصين طبيعي طول الشهر حتى من غير لحمه لكن اهو برضك .
وكمان كانت الفراخ بتفرج علينا شويه اهو يعني نجيب فرخه كل موسم ولا حاجه بنص تمن كيلو اللحمة أو ساعات بنقضيها بكيلو إلا ربع رجلين فراخ .. واهي حاجه تزفر الحلل برضك .. واهو اسمنا بناكل زفر.. هو صحيح الفراخ البيضا لم يكن لها طعم يذكر لكن إحنا كنا راضيين بيها .. وساعات كمان كنا بنشتري كيلو الهياكل بتاعت الفراخ البانية اللي بنسمع إن الناس بتشتريها عشان تقزقزها كده لما بتزهق من الفراخ اللي بحالها . لكن انتو قلتوا لنا إن الفراخ فيها الفونزه يعني بلاش تاكلوها يا ولاد قلنا حاضر وبطلنا ناكل أي زفر سعاتك خالص من ساعتها .. لكن كل ده كوم وقطع الميه عننا كوم تاني . يعني لا مؤاخذه لما بنحب نعمل زى الناس بنتعب أوي ده غير إن الدنيا حر أوي سعاتك والواحد برضك يحب انه ينزه نفسه ساعات وياخد دوش كل شويه طيب نجيب ميه منين لده كله . وإحنا مش حمل الميه بتاعت الجراكن ده الجيركن الواحد باتنين جنيه ولازم نشتريه من الأول بعشره جنيه طيب العيال في الحر ده يكفيها كام جيركن في الأسبوع مش اقل من تلاته سعاتك يعني عايز ميزانيه تانيه وده بس عشان يشربوا مش عشان يعملوا زى الناس لا مؤاخذه .
سيدي الرئيس : أنا مش حاشتكي من التعليم ولا الدروس الخصوصية ولا الثانوية العامية اللي بقت سنتين هرس في العيال وأهل العيال .. ولا الأمراض اللي بناكلها مع الأكل ونشربها مع الشرب ونتنفسها مع النفس . ولا حاتكلم عن العيشة الضنك اللي إحنا عايشينها عشان إحنا خلاص خدنا عليها وعندنا أمل إننا نعيش في الآخرة اللي لم نعيشه في الدنيا.. لكن حاكلم سعاتك عن الميه .. بس الميه . والنبي يا سيادة الريس . إلا الميه .. مانتوا قاطعين عننا كل حاجه حلوه بلاش بقي تقطعوا الميه كمان أحسن الناس مش حاتقدر تعيش كده اكتر من كده.. سعاتك عارف إن الإنسان حيوان مائي يعني ما يقدرش يعيش من غير ميه فتره طويلة .. يعني م الأخر سعاتك إحنا ممكن نعفن وبالتالي البلد نفسها تعفن مننا وساعتها السياح اللي إحنا عايشين بفلوسهم وتحت أمرهم ..حايقرفوا ييجوا عندنا.. حاييجوا يعملوا إيه ؟ يشوفوا ناس معفنه وريحتها طالعه للجو .
سيدي الرئيس : أنا بحبك والله ده سعاتك عشره عمر يعني .. ومراتي كمان بتحبك زى أخوها طبعا .. والواد ابني الصغير بيزأطط لما يشوف سعاتك في النشرة ويقول بابا اهه بابا اهه . وأنا باقر واعترف باني بحبك وهذا إقرار مني بذلك ومننا كلنا ..
عشان كده أرجوك تؤمر الناس بتوعك اللي ماسكين الميه في البلد إنهم يرجعوا لنا الميه بس وإحنا حانستحمل كل البلاوي التانيه برضك علي أمل إننا نعيش في الآخرة اللي لم نعيشه في الدنيا .
وكل أخره وأنت طيب .
وتفضلوا بقبول فائق الاحترام
المواطن : مطحون المهروس
